Յուղով սուրճը տարածվում է Արևմուտքում. 1in.am

Արևմուտքում նոր միտում է տարածվում՝ յուղով սուրճը: Կարծիք կա, որ այն բարձրացնում է էներգիայի մակարդակը, օգնում նվազեցնել քաշը և բարելավում ուշադրության կենտրոնացումը: ԱՄՆ-ի և Բրիտանիայի սրճարանների խոշոր ցանցերն արդեն այն ճաշացանկում են ներառել, գրում է Meddaily-ն:

Այս բաղադրատոմսը հրապարակել է առողջ ապրելակերպի գուրու Դեյվ Ասփրեյը, որը Տիբեթ կատարած ճանապարհորդության ժամանակ փորձել է յակի կաթով թեյը: Դեյվի խոսքերով՝ նման ըմպելիքը 6 ժամով ապահովում է էներգիայով, և մարմինն ամբողջ օրվա ընթացքում այրում է կալորիաները: Դրա հետ մեկտեղ բարելավում են կոգնիտիվ ֆունկցիաները:

Նշենք, որ յուղը ստացվում է կոկոսի և կարագի խառնուրդից: Այն փրփրեցվում է և ավելացվում սուրճին: Արդյունքում սուրճը բավականին յուղոտ է ստացվում:

Կարծիքներ կան, որ ըմպելիքը չի կարող օգնել ազատվելու ավելորդ քաշից, այլ հակառակը՝ կխթանի քաշի ավելացումը: Իսկ դա արդեն սրտի հիվանությունների և կաթվածի սպառնալիք է:

Հարցեր, պատասխաններ, մեկնաբանություններ